يافاتنه خوذي من الود صافيه
وخوذي معه اجمل معاني حناني
ياعشقتي غيرك من البيض مابيه
ياسلوتي يا اجمل ورود الزماني
ياملهمه يازين اسمك وطاريه
يامذهله منك تراني اعاني
انام في همــك واذا اصبحت اناديه
ولاجاء المساء ينعاد هم ٍ كواني
سحرك طغى من فوق سحر ٍ يجاريه
وماشوف انا غير ك رهيف الثماني
لاتحسبنـــي دالــــه ٍ عنك ياهيه
وشلون ابا انسى لحظك اللي رمانيعبدالعزيز
.
.
الاثنين, 01 صفر, 1433
السبت, 14 رمضان, 1432
هل رمضان وخاطري مابعد طاب جيتك يارب الكون مخطي ومنصاب عبد ٍ فقير ومن عذابك انا اهاب شالتني الامواج والبحر جذاب
ياغافر الزلات تغفر ذنوبي
ارجي مع الصيام تستر عيوبي
ارحم دموع اللي نوى لك يتوبي
مرات افيق ومره انسى ذنوبي
اللي تعلق بالوصل منك ماخاب
تفرح بتوبة من غدت به دروبيياواسع الرحمات يارب الارباب
يوم الفزع خفف علي الكروبي
لكم ارق الاماني
شهر مبارك على الجميع
عبدالعزيز
الثلاثاء, 16 جمادى الأولى, 1432
ساعة يطير الشوق فوق الخيالي ويسوق قلب اللي زمانه سموحي ويحب له شخص ٍ عنيد متعالي وفوق العناداصمخ ولاهو بيوحي وتبداء مشاويره قصار ٍ طوالي ويموت له باول طريقه طموحي يركب له امواج ٍ بطول الجبالي يبي يتكشخ يمكن الزين يوحي ويرسم على لوحة حياته ظلالي ويدفن مراسيم الغدر والجروحي ويقفي يشيل الهم عزيل حالي ويردد الآهات دمعه ونوحي ساعة تذكرته وريح الوصالي هبت نسايم عشقها روح روحي عرفت انا ان الهوى شين تالي ياطول ليل اللي بهمه يبوحي قالوا تصبر واشرب المر حالي يمكن يخفف ماقدرنا نبوحي اتمنى ان تروق لكم عبدالعزيز
الخميس, 14 ربيع الأول, 1432
طالع على امّه يشبهه في حلاته هذا الحلى والذّوق حتى التفاته ذكرتني يالــ((ــطّفل ))بسمة شفاته بين الوصل ودروب خلي سكاته وش عاد ينفع دمعتي وانفلاته اللي مضي يقفي معاه امنياته
من يوم شفته قلت هذا ولدْها
وغمازة الخدين وضامر جسدْها
وش بك علي زودت فيني نكدْها
يومي ازعلها وغـيــــري قصدْها
ماهمني ياكود شوفة سعدْها
وتبقى بوسط القلب نار ٍ وقدْهاأقفيت وهي قفت تباهي بذاته
آخر عهدنا يوم تشر بيدْها
من أبياتي
اتمنى ان تروق لكم
الاحد, 04 صفر, 1432
عقب العناء جتني تحسب خطاها
............وعقب الهجر جاني حبيب ٍ نساني
شكله تغير ياحسافة ضياها
............مادري من عيوني او انه تعاني
الراس واطي والدموع بشقاها
...........ومن الخجل عجزت تجاوب لساني
جتني ترجى عقب فورة طغاها
...........عجزت انا انسى من قساها ثواني
ناديتها باحلى زهور ٍ تراها
..........واسقيتها برد العواطف حناني
لاشك عيا القلب كنه نساها
..........كل مابغيت القرب يمه كواني
ادري رجعت لي يوم ذاقت عناها
........ادري جفاها الغير وجابه زماني
خلاص راح الحب ساعة جفاها
........ماينفع الخائن كثير التفاني
دمتم بخير
الجمعة, 27 ذو الحجة, 1431
ليت القوافي لادعيته تجيني
ليتي اليا ضاق الصدر قلت الابيات
لاشك جافتني وعيت تليني
الفكر هايض والعوائق كثيرات
باكتب انا للي بحبه تبيني
انا على عهده ولابه مراوات
خل الظروف القاسيه بس تليني
واجيك انا يابو عيون ٍ كحيلات
لجلك ابا اركب صعبها ياظنيني
ولجلك تحديت الظروف الصعيبات
حبك بقلبي لو كتمته يبيني
لو اجحدك بانت بعيني علامات
دامك هويتيني عطيتك سنيني
لا لا يهمك قول بعض الوشايات
والله لاخلي للعواذل ونيني
واسقيهم اللي هم سقوني سنيات
من أشعاري
السبت, 08 رجب, 1431
فنجان قهوه من يمينه خذيته
البارحه بالحلم يومه تجيني
يومي رشفته ياهنايا لقيته
ممزوج في حبه ولهفة سنيني
اليا لـمحته ابتسم لي فديته
فديت انا الخجلان كله حنيني
لـمحت انا كفه ونقشه قريته
وشفت العيون وقلت ربي يعيني
حاولت اهدي روعها ماقويته
واليا هرجته التفت باليميني
ياحلم طوِّل \ طالبك ماهقيته
مابي أقوم وصاحبي مهتويني
صحيت يا ما أقسى نهار ٍ رأيته
ليته يعاود جيته نور عيني
بقــلـــمـــي
الخميس, 07 جمادى الثانية, 1431
فك اللثام وشال قلبي وقفى
بعد الغروب وقبل وقت العشيه
في نظرته زود صوابي وكفى
وش به تحداني بليا خطيه
ياجرح قلبي يوم عني تخفى
راع العيون اللي سهامه قويه
والزول عود الموز لامن تهفى
لاواهني من هو يضمه شويه
احرق لهيب الشوق و اول مطفى
والحال بعده ياشقاتي رديه
قلي متى بنذوق ذاك المصفى
بين الشفايف وردتين نديه
يحق لي لو بان مني مخفى
من شاف ذاك الزول ينسى خويه
انا اشهد ان الزين عنده موفى
سبحان من صوره رب البريه
بقلمي
الجمعة, 23 محرم, 1431
ابيع انا واشري بجنسك ثمانين
واعز قلب ٍ انحنى لك زماني
اول اوطي الراس وانت متحدين
واشرب مرار الغدر عشر وثماني
واليوم طاب الجرح ماعاد يكوين
حبل الوصل بيدي قطعته هواني
لقيت منهو في حياتي يسلين
غيرك فرش لي درب كله حناني
اللي عرفني زين لا مايخلين
مادوس انا قلب ٍ يحبن ثواني
ابقى على عهدي وانتي تعرفين
ماخون انا منهو عطاني الاماني
ان ماصفى حب ٍ على الكيف يازين
والا ترا ......غيرك يسد المكاني
بقلمي
ولكم خالص ودي
السبت, 21 شوال, 1430
يازين ذاك الصوت يومي سمعتهتغريد بلبل او ترانيم الاشجان
مادري دلع//او غنج//شي ٍوجسته
لايق عليها كل طبع ٍلها زان
ودي ولو طالت هروجه واجبته
لاشك طبع الزين ياناس فنان
ولو يامرن سيد الغنادير اطعته
يلين له قلب ٍ عن الغير مالان
ومن ثغرها كاس الموده شربته
وفي صافي افراحه تناسيت الاحزان
انا اشهد انك كل حبي سلبته
وخذيتني عن درب جاحد وخوان
بقلمي
لها مع خالص ودي
عبدالعزيز
الثلاثاء, 09 جمادى الثانية, 1430
تصدق نسيت اني من الشوق جافيك
واقبلت يمك ابتسم من شقايا
تشدني ذكرى لقربك وطاريك
وارشف غلاك من الغلا ياهنايالاشك صحتني دموع ٍ تناجيك
ابا اكشف المكنون مابه خفاياالشوق فيني\\ ماحسب الشوق خافيك
صدي وبعدي غصب \\ لو هو شقاياان كان انا ابعدت\\ ماني بناسيك
هذي ظروفي والعذر يامنايااليوم تسمحي لي من القاف ابا اعطيك
وان كان في حقك مقصر\\خطايااحوال دنياء \\ يابعدقلب مغليك
ماقدر اواصل \\ دوكشعري هدايالاترتجي مني بيوم ٍ الاقيك
ظرفي وظرفك يمنعن ياعنايامع السلامه \\ جعل ربي يخليك
لعيون خلانك\\ مع اجمل تحايا
بقلمي
عبدالعزيز
السبت, 18 ربيع الأول, 1430
نسيت الكون من شانك وجاريتك
وانا راضــــــــي
واشوف اليوم تجفانــي وتنســـى
صاحبك مجرووووح
تمــنيتـــك هــوى بالي تنسيني
شقا الماضي
تمنيتـــك تكــــون احضان تدفيــــــني
حنانـــه يفـــــوح
انا ماقــــدر اروح ولا أجيك الفكر
بــــــي فاضــــــي
انا صفحـــــه بلا عنــــوان من ذكرك
يــــزين البوووووووح
تسامـــــرنا تناجـيــنا ولـــيـــله
بالهـــــوى هـــاضـــــي
احسب ان الــــزمن يـــرحـم ويغفـر لي
زمــــان البــــ�ـــوح
بقلمي
عبدالعزيز الصالح
الخميس, 02 ربيع الأول, 1430
قـالـت احـبـك قـلـت هــــذا بـلايــاقـبـلـك انا فـي حبك اصـبحـت هـايمقـالــت تـودن ؟ قـلت وســط الحــنايا لــولا الـضــلوع إن كــان قـلبي حطايمإنــتــي... حـياتـي كلهـا ياعـنـايـا وإنـتي جروحـي ببـحرك اليـوم عـايـــم دامــك مـعـي تـسـهــل عـلي الشقـايا خـليــك جـنـبـي دايـم الـدوم دايــماهــواك وانتـي كـل عـناي وضـمايا ولاغــبتي عـن عــيني تـرا الــجو غايمولــو تـقـبـل الـزينـات لجلك فـدايــا لجـــلك انــا عــن شـوفهن صــرت شايم
بقلميكل الود
الخميس, 19 محرم, 1430
رسمت الحلم في عيني على غفلة عيون الناس
............تفيق عيون ناس ٍ ماتعرف الود وشلونه
تهامسنا.. تناجينا.. بكينا قسوة الاحساس
...........تعاندنا ظروف ٍ ماتلين.. ولا صفى لونه
احبه.. واعشقه.. واصرخ.. تروني بحبها محتاس
..........دخيل الله من عين ٍ رمتني ذبت بجفونه
حنونه... حالمه... تعشق ..وياخذها طرف هوجاس
........اموت بعشقها واحيا على ضحكتها وفنونه
حكمني سيدي ياطيب قلبه زايد المقياس
.......عرفت الحب من حبه وعشت بعالم جنونه
ابا اكتب لجلها شعري ولجله شمة الانفاس
........خذتني وحدها للحب وعشت بجوها وكونه
بقلمي
الخميس, 19 محرم, 1430
اليا خجل حرفي ...تجدد لي حروف
واليا امتنع فكري عن القول جبناك
جبتك ياحرف الزين... عدل ٍ ومنكوف
تبي تعاندني .... ولكن قويناك
طوعك رب الكون من غير ماتشوف
وساقك ولي العرش لي لاعدمناك
شلني معك... واترك حذرها مع الخوف
واليا نويت تروح بس مد يمناك
حنانك اللي ساقني لك وانا اشوف
عيا خيالك يبتعد من عرفناك
يانور حائل يااجمل الزين بوصوف
ماشفت انا مثلك وحولك وشرواك
عن حب غيرك اصبح القلب مصروف
يتبع ابو جدك وخالك ويفداك
الجمعة, 21 ذو الحجة, 1429
ورود الشوق وغصونه\\ وريح المسك و الكادي
ونسمة عطرك الماضي\\ تذكرني زمان ٍ راح
نشيت بعالي الاشواق \\أبي سربك ولافادي
اثاري طيري المكسور يغرد للهوى بصياح
جمعت اوراق عبراتي\\ نثرته لك ولافادي
رجع لي صوتي المحزون يغير نبرته بنياح
انا لولا الشعر\ والحرف\ وقول ٍ يطرب الشادي
هجرت القاف \وفنونه\ وسكنت بهجرة الاشباح
انا لجلك\ كتبت القاف \\ولاجلك اكسر عنادي
ولاجلك\ اطرد الاحزان\ أعيش بماضي الافراح
على جرحي يطول الجرح\ ويكوي خاطري الهادي
وانا اسلى من بعض همي\ واقول البعد لك مسراح
الا ياشمعة سنيني \\وضوه تطرب الحادي
الا ياسالفة عمري\\ دخيلك مكتوي بجراح
تبيني ابتعد؟ \قلي تراني حرف ينعادي
ولو ريحك تهب اعصار\ اكيد ان الغثاء ينزاح
السبت, 15 ذو الحجة, 1429
انا ماطلبت الا ابا امـــشــي بالخـــلا لحـالي
اناجي وحدتي \وانسى على صمتي انا جروحي
ابا ارفع بالفضاء صوتي \وانادي ماحد ٍجالي
ابا ابكي \وانتحب \واضحك\واعزي بعدهاروحي
انا اللي ماعـرفت افـرح بدون الهـم ياحالي
انا اللي صادقن همـــي وشيــد فيني صروحي
درست الوحده\وعشته\عرفت انه هوى بالي
تضيـــع دروبي اللي مابها للعمـر مصلوحيتعبت من الوله\ واتعبت منهم حالهم حالي
كتبت البوح يوم البوح اجيده وانت ماتوحي
احسب اني وصلت لغاية القلب مدهالي
بكيت ولانفع عند الفراق الدمع والنوحي
طويت رحالي اللي زادني ثقل ٍ مع اثقالي
ونويت ارحل بليل الصمت ابا ابعد عنه واروحي
السبت, 01 ذو الحجة, 1429
محبوبتي بالفصل يومه هواجيس
عضت شفايفها و ترسم قلوبي
في ماصته أشكال وألوان تحويس
مابين بيت الشعر او وجه روبـــي
وبشنطته مكياج مع روج للفيس
حتى المرايه مانستها العذوبي
نادت عليها أبلته(( ياهوى قيس))
خليك معانا يالفتاة اللعوبي
خلي تنهد ضاق صدره بتعبيس
تبي الفراش مواصله ماتتوبي
تقريرها سالب وكله لواليس
ماهمها ياكود عندي تذوبي
ماصته = طاولتها
أحبها بجنون كل المقاييس
من حبها ضيعت حتى الدروبي
السبت, 01 ذو الحجة, 1429
قالت ابيك ان صرت في يوم رايق
تكتبي ابيات ٍ وترضي غروري
وابيك تكتبها بحبر الحقايق
وتوصف لي شعورك وبين السطوري
قلت ابشري لجلك ابا اصير فايق
ولجلك ابا اثبت ياخلفهم حضوري
يامنبع الطيبه وزين الخلايق
يامنية النفس وهناي وسروري
ياورد ياجوري لك الاسم لايق
يابو عيون ٍ فاتنه عين حوري
يابعد خلاني وكل القرايب
لاقبلت تسحرني بزين العطوري
ياموسعة صدري اليا صرت ضايق
لاطروك انا فزيت دون الشعوري
يحفظك ربي من عدو ٍ وبايق
ويحرسك رب الكون دون الشروري
لو اكتب الابيات سرد وطرايق
ما أوصفك وانتي غلاك مخبوري
بس اعذريني لو قصرت العلايق
ترا غلاك يزود وسط الصدوري
بقلمي
ولكم خالص ودي
الاحد, 18 ذو القعدة, 1429
صبح الوداع\\وفزة الشمس باشراق
يمرني طيفه \\ وانا جالس هناك
يلفح نسيم اللي مضى برد واحراق
وانا ارتفع صوب المعالي وابا انساك
واغمض عيوني على فرحة افراق
وامسح قواميسك\ ورسمك\ وطرياك
واشرب صفى غيرك الى صرت مشتاق
واسعد مع اللي عالي الذوق يسواك
المشكله غروك والا انت بواق
ترمي شباكك بين ذولا وذولاك
دامك وراء نشوة جنونك بتنساق
يجيك يوم وصافي الهم ياطاك
كم ذاق غيرك حسرته لاصبح وفاق
دعوة مظاليم الهوى كود تنصاكتقبلوا فائق ودي
الخميس, 08 ذو القعدة, 1429
خل العتب يامــورد الخد وشفيك؟
يكفي جــروح ٍ من زماني كوتني
ترني اداري دمعتي يوم الاقيك
لاتصير عون ٍ مع هموم ٍ حوتني
تبيني ؟ قول انك تبيني وانا ابيك
ولا اعيش ارجي عذاب غمتني
انا هويتك دون خلق ٍ توازيك
وانا عشقتك يوم عينك رمتني
ولو تشرق شموس المزايين انا ابيك
وابعد عن قلوب ٍ لحبه رجتني
اخاف في يوم ٍ تبيني اوافيك
واعطيك انا ياسيد البيض متني
الجمعة, 24 شوال, 1429
اليوم اباكتب في هواك القصيده
واباعلن اللي كنت تحسبني اخفيه
نفس الكلام اللي ذكرته اعيده
انت الوحيد اللي احبه وانا ابيه
تعجبني جروحك دخيلك تزيده
بين الضلوع احراق لا لا تطفيه
خل الدموع اللي من اول جديده
خله تكسر فوق خدي مشاريه
انا فديتك واطلب اللي تريده
لرضاك انا ياسيد البيض باتيه
خليني اكتب ياخلفهم قصيده
خل العرب تدري بحبك وباديه
اتمنى ان تروق لكم
الثلاثاء, 21 شوال, 1429
اشوف الليل طاوعني وهيّض خافي المكنون
اشوف الدمع جاوبني وسيّل ماخفى بسكات
عجز قلبي عن المشوار وناداني انا المطعون
دخيلك لاتروح دروب ماتعرف خفا الروحات
ابي منك العذر يازين تسمح لي انا المجنون
انا اترجاك ياراع الوفاء والطيب والفزعات
انا طالبك تنساني وتتركني وانا الممنــون
انا اتوسل واصيح صياح ابعدني عن اللوعات
انا عارفك واعرف قلبك الطيب عليك ماهون
تسامحني عن المشوار وتكتم سرنا لامات
انا الغيـــــره00انا التايـــه00 انا المحـــزون
ابي لاقفيت من قلبك توادعني على البسمات
ترى الذكرى بعد فرقا تعيش سنين ابد ماتهون
رغم فرقاك انا احبك ومن حبك اقــــول آهات
السبت, 18 شوال, 1429
براني من هواكم هاجس بالليل يطرا لي
فلا عيني تنام ونوح قلبي موقظ سكونه
تمنيت الصباح يبان وضو الشمس يرثى لي
تبين بطلعة شروقه جروح ٍ حيل مدفونة
وانااللي في زمان اول ماعرف النوح ياحالي
ولاذقت المرار اللي سقاني شوفة عيونه
احسب الزمن لافاق يروف بشي يجرا لي
اثاري كذبة الازمان تزيد الهم وطعونه
شربت المر من ناس ٍ بقوله تدعي وصالي
فلا يصفى صديق ولاحبيب و خابت ظنونه
سلام الله ياوقت ٍ مضى لي عايش بفالي
يونسني قمر ليله ويشجيني صفا لونه
كل الود
الاربعاء, 15 شوال, 1429
دام ذاك الليل وعيونه نجوم
ارمني بأحضان شوقك وانسنـي
ودفني من برد هجرك ياظلوم
واسقني رشفة حنانك واروني
من تعب عمري ابا اسلي ما أقوم
واطفي عناد الليالي واهتني
دون غيرك خطوتي تقصر عزوم
لو بغوني مقدر أسلى وانثني
جيت يمك ضمني تكفى لزوم
من ودادك ياحبيبي أعطني
في غيابك بس هواجيس وحلوم
جالس اشكي للسهر ماهمني
من عرف حالي فلا اظنه يلوم
يعذروني دام حظي منثني
الخميس, 18 رمضان, 1429
ياحلى ذا الزول عذبني وراح
جدد جروحي وانا توي مريح
توني طاوي ٍ حب وجراح
توني ضامر ٍ قلب جريح
وين ربي جابني لك ذا الصباح
ليتني غضيت طرفي يامليح
كيف اغض الطرف عن سيد الملاح
ماقويت اسلاه بالقول الصريح
سامحن ياقلب فاس الراس طاح
دامني حي ٍ فلا انته مستريــــح
الثلاثاء, 09 رمضان, 1429
قـفـلت انا قلب العناء عن طواريه
مالـه نصيب ٍ بالهــــوى عزتالي
حظه ردي وهموم حــبه تباريه
كـل ماتـولع ذاق هـــم الليالـــي
درب الهوى خطر ٍولاا حد يجاريه
ياكـــود منهــــو تهــتويه العـــلالي
وانا تعبت اطـــرد نصيبي واناديه
مايلتـفــت يمـــي لا واهملالـــي
حـبيــت ثــم حبيــت وانهيت تاليه
ولالـقـيت اللــي قــريب ٍ المـنالي
وليا عــرف انك تحــبه وتغلــيه
يزيــد في هــجره بـزود التعـالي
ارتـاح ياقـلـب العناء مـن دعاويه
لاتلتفــت خـلك صبــور وسالــــي
الثلاثاء, 09 رمضان, 1429
غريبه حالتي مادري وش اللي صاير ٍ فيها
اموت بحبها وابعد عن دروبه ولااجيها
اخاف يحس به ناس ٍ تصده شلون احاكيها
وانـا مـتعلق فيها ولاظـنيـت ناسـيهـا
اودَه واعشقه واشرب غلاها من معانيها
ولاحسيت انا مـع غيرها قـلبي ولاابغيها
يازين الصوت لاجاني يضمْن يوم انا جيها
اذوب بقولها وليا ضحكت بالشعر انا ارويها
غيوره من هوى غيره تخاف اليوم ناسيها
ولاتدري بكـبر قــدره ولابــه مــن يجاريها
سرا بي يمها حلو الهواجس لو اخفيها
اثـاري مـن غـلاهـا مـابفـكري غـير طـاريها
كـتـبت من العنا شعري ولا ظنيت ابا اخفيها
عسى قـلبي على صبره يذوق اليوم امـانيها
الخميس, 04 رمضان, 1429
بينـي وبيـنـك سالـفـه مالـهـا جــو
عتمـة غبـار وشابـهـا زود تكتـيـم
اغار وانت تغار لين انطفى الضـو
حساس طبعي وانت زودتني ضيـم
ياشوق عينـي لـو نسيتـك انـا تـو
مرت علـي شهـور معطيـك تسليـم
ماينفـع المقـفـي تــرا قـولـة ٍ لــو
خلاص عفت العود وايَـا التقاسيـم
مانتي نصيبي صرتي ابعد من النو
حتى الفرح في حالنا صعـب ٍ يديـم
النو((النجم))
*_*
الخميس, 04 رمضان, 1429
همس الحنين وليل شوق ٍ وتذكار
ودمع ٍ حزين يشق صمتي بالالحانونسمة غدر ورياح ماض ٍ بها طار
وصبح ٍ به الآهات تشرق بكتمان
وانا على موج الزمن اجدف اسرار
يشيلني مده وجزره..... بالاحزان
واتذكر الماضي ..على شط غدارواخبي سنين الآلم واطوي اشجان
هذي حكاية لغز يصعب بالافكار
حله معه صفو معي كل الاذهان
قصة عشق ؟او هي غرام ؟انا احتار!!! مادري شسمي شوقها \\ ليل يادان
قولوا جنون الحب او كنت محتار
قولوا غبي او جاهل ٍ صعب مالان
الحب سر ولايبي كثر الاشوارالحب صدق وشامخ فوق الاعيان
*_*
.
.